2020-09-29 17:52
Рубен МАРГАРЯН
ՄԱՐՏԻ ԳՆԱՑԻՆ «ԾԵՐՈՒԿՆԵՐԸ»
Գնալով ավելի մեծ քանակությամբ տվյալներ են ստացվում Արցախի շուրջ վերջին սրացման մեջ թուրքական ներկայության մասին։ Անկարան և Բաքուն պատերազմին պատրաստվում էին հանգամանորեն. օգոստոսին անցկացվեցին համատեղ զորավարժություններ, որոնց ավարտից հետո Ադրբեջանում մնաց թուրքական մեծաքանակ ռազմական տեխնիկա և մասնագետներ, մասնավորապես՝ թուրքական «Բայրաքթար» հարվածային անօդաչու սարքերի կառավարման գծով, որոնք ավելի վաղ լայնորեն կիրառվել են Սիրիայում և նախկինում չեն եղել ադրբեջանական բանակի զինանոցում:
Դե ինչ, Բաքուն ու Անկարան որոշեցին օգտագործել համավարակը որպես հնարավորություն և կրկին փորձել բախտը: Ավելին, վերջին օրերին փուլ առ փուլ Ադրբեջան են տեղափոխվել ուսուցում անցած և Սիրիայում մարտական գործողությունների փորձ ունեցող վարձկաններ։ Ըստ վարչապետի աշխատակազմին առընթեր «Հանրային կապերի և տեղեկատվության կենտրոն» ՊՈԱԿ-ի, հատուկ ծառայությունների տվյալների՝ Ադրբեջանի սանձազերծած մարտական գործողություններին մասնակցում են մոտ 4 հազար գրոհայիններ Սիրիայից: «Ճշտված տեղեկություններով գրոհայինների շարքում կա 81 զոհ»,- հավաստում է ՊՈԱԿ-ի ղեկավար Հովհաննես Մովսիսյանը:
Սոցիալական ցանցերի ադրբեջանական հատվածում տեղեկատվություն է հայտնվել այն մասին, որ սիրիացի վարձկաններն արդեն բախվում են տեղի ադրբեջանցի բնակչության հետ. ստիպում կանանց հիջաբներ կրել, ավերում ոգելից խմիչքներ վաճառող խանութները:
Բաքուն ջանում է ցանցից արագ հեռացնել նման տեղեկատվությունը, համացանցն Ադրբեջանում գործում է մեծ սահմանափակումներով, սակայն հայ մասնագետները պահպանել են ներկայացված տեղեկատվության էջապատճենները։
Ղարաբաղյան կողմի տվյալներով, Արցախի պաշտպանության բանակի դեմ սեպտեմբերի 27-ի առավոտից սկսած օգտագործվում են ոչ միայն թուրքական զրահատեխնիկա, հրետանային ու հրթիռային կայանքներ և թուրքական անօդաչու թռչող սարքեր, այլև թուրքական F-16 կործանիչներ, որոնք ավելի քան մեկ ամիս տեղակայված են Ադրբեջանի տարածքում՝ թուրք-ադրբեջանական համատեղ զորավարժություններին մասնակցելու պատրվակով: Զորավարժություններն ավարտվեցին, կործանիչները մնացին և կիրառվեցին ավիագրոհների ժամանակ։ Արցախի նախագահ Արայիկ Հարությունյան. «Ուզում եմ հայտարարել, որ մեզ հետ կռվում է ոչ թե Ադրբեջանը, մեզ հետ կռվում է նաև Թուրքիան։ Օգտագործում են թուրքական բանակի ձեռքի տակ եղած հիմնական ժամանակակից զենքերն ու զինամթերքները»։
Ըստ էության, ամեն ինչ սպասելի է։ 90-ականների սկզբին Արցախի դեմ կռվելու եկան բասաևականներն ու մոջահեդները։ Հետո փախան ու սրտաճմլիկ խոստովանություններ արեցին, որ ադրբեջանցիները կռվել չգիտեն։ Այնպես որ պատմությունը կրկնվում է, և այսօր մենք ունենք Մերձավոր Արևելքից բերված ահաբեկչական ջոկատների մասնակցությամբ ամենամեծ ագրեսիան Արցախի դեմ՝ 1994-ի մայիսին ռազմական գործողությունների դադարեցումից հետո։
Գլխավորը դա չէ։ Գլխավորն այն է, որ Արցախի համար վճռորոշ մարտի գնացին «ծերուկները»։ 90-ականների սկզբի տղաները, այսօրվա վետերանները։ Արցախում նրանց դիմավորեց հանրապետության նախագահը՝ 90-ականների սկզբի Արցախյան ազատամարտի մասնակից Արայիկ Հարությունյանը։ Նրանց, այդ սերնդին է վիճակված վերջակետ դնել այս հարցում։ Քանզի որքան էլ ոմանք ջանան, անհնար է վերաշարադրել պատմությունը։ Չկա «հին Հայաստան», «նոր Հայաստան». կա մեկ Հայաստան, բոլորի համար ընդհանուր։
Արայիկ Հարությունյանն այսօր առավոտյան կգրի. «Հպարտ և շնորհակալ եմ մեր զորքին, հրամանատարությանը՝ ցուցաբերվող մարտական բարձր ոգու և պատրաստականության համար:
Հպարտ և շնորհակալ եմ մեր ժողովրդին՝ այս ընթացքում ցուցաբերած ողջախոհության, ամեն ինչ հանուն Հայրենիքի ու ճակատի՝ նվիրվածության համար:
Հպարտ և շնորհակալ եմ ՀՀ մեր հայրենակիցներին ու իշխանություններին՝ ցուցաբերած անվերապահ սատարման համար:
Հպարտ և շնորհակալ եմ աշխարհասփյուռ մեր հայրենակիցներից աջակցող հազարավոր զանգերի ու խոսքերի համար:
Խոնարհումս ու ցավակցություններս եմ հայտնում այս ընթացքում հերոսի կյանքով ընկած մեր բոլոր տղաների հարազատներին: Հպարտ և շնորհակալ եմ»:
... «Նայեցի զինվորների աչքերին և հասկացա, որ նրանք ավելի շատ են սիրում հայրենիքը, քան ես հավատում եմ Աստծուն»: Իսկ սա գրել է տեր Աբել քահանան՝ սահմանամերձ Մովսես գյուղից։
ПОСЛЕДНИЕ ОТ АВТОРА
-
2025-07-30 08:58Никол Пашинян ушел в отпуск: с сегодняшнего дня по 15-ое августа… Даже трудно представить, чтобы наш живчик на столько дней оставил все дела. Наверное, попытается использовать отпуск, чтобы снова вернуться к теме проведения в Эчмиадзине митинга с требованием отставки Католикоса. К теме организации такого митинга в качестве не премьера, а «рядового прихожанина» …
-
2025-07-29 10:40Хокку Жаркий вечер. О грустной доле Заплакал летний фонтан. То, что ему будут вставлять палки в колеса, мэр Гюмри Вардан Гукасян наверняка ожидал. То, что методы будут разные, предполагал. То, что, по его же словам, нет судебной инстанции, где бы не рассматривалось то или иное связанное с ним дело, его не особо удивляет. Как и то, что под разными предлогами замораживают счета Гукасяна, чтобы не дать возможности оплачивать кредиты: понятно. Но вряд ли предполагал, что его обвинят в репертуаре поющих фонтанов Гюмри.
-
2025-07-29 09:39Наверное, Никол Пашинян считает себя дальновидным политиком. Наверное, искренне желает сделать Армению конкурентной в регионе, а потому стремится быть гибким на внешнеполитической арене, не боится «разрывать шаблоны», как учил армянского премьера еще Джон Болтон. Политику на «разрыв шаблонов» премьер аргументирует своим прошедшим опытом. Дескать, анализ поражений привел его к единственно возможному выводу о смене внешнеполитических приоритетов. Ну не он же виноват, в самом деле? Исключительно – неправильные приоритеты. Какой-то «чужой» Арарат, когда есть свой Арагац…
-
2025-07-29 09:27Участию Пашиняна в Международной экологической конференции на Алтае в официальных СМИ уделено мало места. Оно и понятно, на поверхности визит не примечателен. Но это на поверхности. О роли поездки Пашиняна на Алтай в принятом Ереваном решения отказать американцам в аренде коридора через Сюник говорили. Но визит примечателен и в контексте российско-армянских отношений в целом.