HRW․ Ադրբեջանը բազմիցս արգելված կասետային զինամթերք է օգտագործել
Ադրբեջանը բազմիցս արգելված կասետային զինամթերք է օգտագործել Լեռնային Ղարաբաղի բնակելի շրջաններում, հայտարարել է Human Rights Watch միջազգային կազմակերպությունը։ 2020 թվականի հոկտեմբերին Լեռնային Ղարաբաղում տեղում կատարված հետաքննության ժամանակ HRW-ը վավերացրել է Ադրբեջանի կողմից կասետային զինամթերքի կիրառման 4 դեպք։
«Հատկապես խիտ բնակեցված շրջաններում կասետային զինամթերքի շարունակվող կիրառումը ցուցադրում է խաղաղ բնակիչների անվտանգության աղաղակող քամահրանքը,- ասել է Human Rights Watch-ի սպառազինությունների բաժնի տնօրեն և Կասետային զինամթերքի հարցերով կոալիցիայի նախագահ Սթիվեն Գուզը։ - Կասետային զինամթերքը ոչ մեկի կողմից չպետք է օգտագործվի ոչ մի իրադրությունում, առավել ևս քաղաքներում՝ քաղաքացիական բնակչության համար կանխատեսելի և անընդունելի վնասի պատճառով»։
Human Rights Watch-ն ուսումնասիրում է՝ ղարաբաղյան հակամարտության բոլոր կողմերն արդյոք պահպանո՞ւմ են միջազգային հումանիտար իրավունքի նորմերը, որոնք զինված ուժերից պահանջում են մշտապես տարբերակել մարտիկներին և քաղաքացիական անձանց, ինչպես նաև ռազմական և քաղաքացիական օբյեկտները։ Անխտրական հարձակումները, որպես այդպիսին, արգելված են, ներառյալ հարձակումները, որոնց ժամանակ օգտագործվում են պայքարի մեթոդներ կամ միջոցներ, որոնք չեն կարող ուղղված լինել կոնկրետ օրինական ռազմական նպատակի։ Human Rights Watch-ը բազմիցս դիմել է Ադրբեջանի կառավարությանը՝ խնդրելով հասանելիություն տրամադրել տեղում հետաքննություն անցկացնելու համար, սակայն մինչև հիմա թույլտվություն չի ստացել, տեղեկացնում է News.am-ը։
ПОСЛЕДНИЕ ОТ АВТОРА
-
2024-05-18 18:20
Депутат фракции "Армения" НС Гарник Даниелян, находящийся в Киранце, написал:
-
2024-05-18 18:20
По требованию ректора ЕГУ работников вынуждают выйти из профсоюза. Об этом сообщается на странице профсоюза в Facebook.
-
2024-05-18 18:17
Скоро начнется встреча Баграта Србазана с офицерами запаса. Накануне встречи в беседе с журналистами бывший заместитель начальника Генштаба ВС Республики Армения, генерал-лейтенант Тиран Хачатрян, коснувшись продолжающегося в Тавуше процесса «демаркации», отметил, что диктат противника выполняется без какого-либо сопротивления.
-
2024-05-18 18:15
Заместитель председателя Республиканской партии Армении Армен Ашотян обратился к одному из ведущих Общественного телевидения Петросу Казаряну из УИУ "Нурабарашен".