2020-11-05 22:03
Рубен МАРГАРЯН
0
ԴԸՄՓ-ԴԸՄՓ-ՀՈ՛Ւ
Երբ Աստված զրկում է մարդուն ուղեղից, ապա պատերազմում հաղթել, չի բացառվում, հնարավոր է։ Բայց դժվար է։ Երեկ մեր իշխանությունները քննարկում էին կազմակերպել։ Քննարկում էին այն հարցը, թե կարելի էր արդյոք խուսափել պատերազմից։ Նման քննարկման համար ավելի լավ ժամանակ չէր գտնվել։ Այդ թեման «պետք էր» քննարկել հենց հիմա, երբ իշխանությանը քննադատելն արգելված է, իսկ խախտողները տուգանվում են։ Այսինքն եթե որևէ մեկը կարծիք հայտներ, որ պատերազմից խուսափել կարելի էր, եթե չլինեին իշխանությունների սխալները, ապա նրան տեղնուտեղը կտուգանեին։ Որպեսզի քննարկի այն, ինչ «պետք է քննարկել», այլ ոչ թե այն, ինչ ցանկալի և անհրաժեշտ է քննարկել։ Ուստի իշխանությունները շատ «յուրաժամանակ» կազմակերպեցին նման քննարկումներ։
ՔՆՆԱՐԿՈՒՄՆԵՐԻՆ ՄԱՍՆԱԿՑՈՒՄ ԷՐ ՄԻ ԱՂՋԻԿ՝ ԽՈՐՀՐԴԱՐԱՆԻՑ: Նա ասաց, որ թավշե հեղափոխությունը միայն հետաձգել է անխուսափելի պատերազմը։ Շատ խելացի աղջիկ է։ Ու համեստ։ Քանզի համեստություն է անում։ Պատերազմը հետաձգվեց ոչ միայն այն պատճառով, որ Հայաստանում տեղի ունեցավ սիրո և համերաշխության թավշե հեղափոխություն։ Դա երկրորդական պատճառն է։ Իսկ առաջնային պատճառն այն է, որ Ադրբեջանի իշխանությունները վախենում էին պատերազմ սկսել, քանի որ գիտեին, որ Հայաստանում կա մի այդպիսի խելացի աղջիկ, ուստի չէին հանդգնում ռիսկի դիմել։ Խելացի աղջկա լույս աշխարհ գալն արդեն իսկ տասնամյակներով կանխել է պատերազմը, որը պետք է սկսվեր շատ ավելի շուտ։ Ըստ էության, աղջկա ծնունդն ինքնին դարձել է ղարաբաղյան առաջին պատերազմում հաղթանակի ավետիսը։ Եվ միայն այն ժամանակ, երբ Հայաստանում ակտիվացավ ընդդիմությունը, Բաքվում որոշեցին, որ հիմա աղջիկը չի կարող դրսևորել իր տաղանդները, և պատերազմ սանձազերծեցին։
Առհասարակ համեստությունը անվիճելի դրական հատկանիշ է, որը բնութագրում է մեր իշխանություններին ու նրանց հավատարիմ կողմնակիցներին։ Օրինակ, պրոֆեսոր Լևոն Շիրինյանը համարում է, որ աշխարհում կա միայն չորս արժանի առաջնորդ. Ավստրիայի, Կանադայի, Ֆրանսիայի և Հայաստանի առաջնորդները։ Համեստությունը զարդարում է մարդուն, բայց ախր ո՛չ այդ աստիճան։ Չի՛ կարելի այդպես... Անկեղծ ասեք, մի խորամանկեք ժողովրդի առջև, ի՞նչ են իրենցից ներկայացնում այդ Մակրոնը, Թրյուդոն ու Կուրցը մեր Փաշինյանի համեմատ։ Ո՞ր մի ապուշը կարող է կշեռքի նույն նժարին դնել նրանց։ Չէ՞ որ միանգամայն տարբեր կատեգորիաներ են։ Այդ երեքը լոկ ենթավարպետներ են մեր «ուղեղի» համեմատ, չենք խոսում արդեն այլ առաջնորդների մասին։ Դրանք Փաշինյանի եղունգն անգամ չարժեն։
Իսկ ո՜նց էր մեր «ուղեղը» հետաձգում պատերազմը՝ խորհրդարանի աղջկա հետ միասին։ Սերժին հեռացրեց՝ հետաձգեց։ Կարապետյանին հեռացրեց՝ է՛լ ավելի հետաձգեց։ Քոչարյանին նստեցրեց՝ ավելի հետաձգեց։ Երբ Մանվելի տանը «տուշոնկաներ» գտավ, Բաքվում ընդհանրապես թևաթափ եղան. ինչպե՞ս կարելի է նման բանից հետո պատերազմ սկսել: Դեռ նոր էին մի քիչ առույգացել ու որոշել սկսել, մեկ էլ՝ ա՛ռը հա, Հայաստանում գործ հարուցեցին ՀԱՊԿ գլխավոր քարտուղարի դեմ, և պատերազմը կրկին հետաձգվեց։
Իսկ ո՜նց Փաշինյանը լուծարեց Սահմանադրական դատարանը։ Դա իսկը մեղեդի՛ էր։ Ալիևն արմունկներն էր կրծոտում հուսահատությունից, որ Փաշինյանը, խորհրդարանի աղջիկն ու նրանց թիմը թույլ չեն տալիս իրեն պատերազմ սանձազերծել։ Եվ ի վերջո, ե՞րբ Ալիևը սկսեց պատերազմը։ Ծառուկյանի կալանավորումից հետո։ Այսինքն՝ երբ արդեն մարդ չմնաց, որ նստեցնեն։ Միայն դրանից հետո։
Իսկ կինոռեժիսոր Տիգրան Խզմալյանը գրում է, որ հենց Բայդենը դառնա նախագահ, Հայաստանի վերաբերյալ Վուդրո Վիլսոնի ծրագիրը կյանքի կկոչվի, և ընդհանրապես պետք է Ղարաբաղում տեղակայել ՆԱՏՕ-ի զորքերը։ Որովհետև այդ ժամանակ Հայաստանը խաղաղություն և հաղթանակ կունենա…
Իհարկե, իրավացի է խորհրդարանի այդ աղջիկը։ Պատերազմը չափից ավելի հետաձգելն անհնար էր։ Քանզի երբ Աստված զրկում է իր զավակներին բանականությունից, այդտեղ արդեն ոչնչով չես օգնի։ Դըմփ-դըմփ-հո՛ւ։
ПОСЛЕДНИЕ ОТ АВТОРА
-
2024-11-22 09:08Действующему президенту США Джозефу Байдену сегодня исполнилось 82. Редкий пример политического долголетия как свидетельство общего повышения уровня жизни и ее продолжительности. Однако запомнится Байден, некогда тоже любитель велопрогулок, не столько этим, сколько своим вкладом в противостояние Запада и России.
-
2024-11-20 12:53Хокку Овик складывает мандат. Плакала ипотека Овика, роняю и я скупую мужскую слезу…
-
2024-11-18 12:45Две новости взбудоражили армянскую общественность в последние часы минувшего уикенда. Одна новость - про парад отставок, уже состоявшихся и еще грядущих, в команде чиновников Пашиняна. Другая новость - про то, что уходящая администрация Байдена дала Зеленскому отмашку на удары американскими дальнобойными ракетами ATACMS вглубь российской территории. Позже добавилась информация, что Франция и Британия также «дали зеленый свет» на нанесение ударов вглубь РФ ракетами SCALP/Storm Shadow. Первую новость, про отставки в команде Пашиняна, пока оставим в покое, как менее существенную, тем более, что процесс отставок еще продолжается.
-
2024-11-16 13:53Сергей Лавров говорит, что Москва ждет предложений Дональда Трампа. Последний пока Путину не позвонил, это понятно: избранный президент Америки еще не вступил в должность, находится на стадии формирования своего правительства. Но вот круги от его заявлений о намерении побыстрее завершить войну на Украине расходятся достаточно быстро: Владимиру Путину уже позвонил Олаф Шольц.
ПОСЛЕДНЕЕ ПО ТЕМЕ
-
2022-03-16 19:42Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։
-
2022-03-11 19:57Արդեն քանի օր շարունակ Արցախում անհանգիստ է։ Ըստ էության, ոչ ոք՝ ո՛չ Հայաստանում, ո՛չ էլ Արցախում, առանձնապես չի զարմացել։ Բնական է, որ ֆաշիստական պետությունը փորձելու է օգտվել Ուկրաինայի հետ կապված ճգնաժամից, որպեսզի ձեռնարկի Արցախի Հանրապետությունը վերացնելու նոր փորձ։
-
2022-03-07 20:00Մի «ըմբոստ» միտք, որը ցանկանում եմ կիսել ձեզ հետ։ Այն ամփոփված է նրանում, որ Ուկրաինայում ռազմական գործողություն անցկացնելու Պուտինի որոշման վրա, ի թիվս այլ գործոնների, ազդել է նաև 2020-ի աշնան 44-օրյա պատերազմը Լեռնային Ղարաբաղում։ Փորձեմ պարզաբանել։
-
2022-01-26 20:02Խորհրդակցություն Գորիսում Արցախի հետ շփման գծի ողջ երկայնքով 2016 թվականի ապրիլյան ագրեսիայի արդյունքում Ադրբեջանը չիրականացրեց ռազմավարական ոչ մի խնդիր և կրեց կենդանի ուժի և ռազմական տեխնիկայի շատ ավելի մեծ կորուստներ, քան Արցախի Պաշտպանության բանակը: