«Ուժեղ Հայաստան» խմբակցության անդամ Իրինա Յոլյանը նույնպես չընտրվեց ԱԺ Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահ։ Հաշվիչ հանձնախմբի նախագահ Լիլիթ Մինասյանը հրապարակեց քվեարկության արդյունքները, ըստ որի՝ քվեարկությանը մասնակցած 102 պատգամավորներից 38-ը կողմ էին քվեարկել, 63-ը՝ դեմ նրա թեկնածությանը։
Խմբակցությունը հանձնաժողովի նոր թեկնածու չառաջադրեց։
«Հաշվի առնելով վերջին ժամանակաշրջանում և նաև այսօր իշխող «Քաղաքացիական պայմանագիր» խմբակցության ոչ ժողովրդավար քայլերը և նախագահի թեկնածուին չընտրելը՝ «Ուժեղ Հայաստանը» ներկա պահին չի առաջադրում նախագահի թեկնածուի և հայտնում է, որ նախագահի թեկնածու առաջադրելու է «ԱԺ կանոնակարգ» օրենքով և օրենսդրութամբ սահմանված ժամկետում»,- հայտնեց խմբակցության քարտուղար Տիգրան Աբրահամյանը։
Ավելի վաղ նույն հանձնաժողովի նախագահ չընտրվեց նաև «Ուժեղ Հայաստան» խմբակցության անդամ Դավիթ Ղազինյանը։
Sputnik Արմենիա
