ՌԴ դեսպանը հանդիպել է Լևոն Տեր-Պետրոսյանին

ՀՀ առաջին նախագահ Լևոն Տեր-Պետրոսյանին այսօր այցելել է Հայաստանում ՌԴ արտակարգ և լիազոր դեսպան Սերգեյ Կոպիրկինը:

Տեղեկությունը Facebook-ի իր էջում հայտնել է ՀԱԿ մամուլի խոսնակ Արման Մուսինյանը։

«Շուրջ երկու ժամ տևած զրույցի ընթացքում մտքերի փոխանակում է տեղի ունեցել Արցախում հաստատված զինադադարից հետո ստեղծված իրավիճակի և Հայաստանի ներքաղաքական ճգնաժամի հաղթահարման ուղիների վերաբերյալ»,–ասված է հաղորդագրության մեջ, տեղեկացնում է Sputnik Armenia-ն: