Արագածոտնի մարզպետ Ռազմիկ Պետրոսյանը, պարզվում է, նշանակվել է այդ պաշտոնին ՀՀ օրենսդրության կոպիտ ոտնահարմամբ։
Հայաստանում աղքատության և գործազրկության մակարդակը կշարունակի աճել։ Այս մասին News.am-ի հետ զրույցում ասաց Հայաստանի գործատուների հանրապետական միության նախագահ Գագիկ Մակարյանը։
Խափանման միջոց կալանավորումը և քրեական գործերը սկսել են օգտագործվել որպես այլախոհությունը ճնշելու միջոց։ Այս մասին «Հայելի»-ին տված հարցազրույցում ասաց փաստաբան Հայկ Ալումյանը։
Ակնհայտ է, որ դատավոր Զարուհի Նախշքարյանի նկատմամբ իրականացվում է հետապնդում՝ առաջին հերթին Նիկոլ Փաշինյանի ընտանիքին վերաբերող գործով նրանց ոչ հաճո վճիռ կայացնելու համար, Aysor.am-ի թղթակցի հետ զրույցում ասաց իրավապաշտպան Ռուբեն Մելիքյանը՝ անդրադառնալով Նիկոլ Փաշինյանի դստեր գործով ինքնաբացարկ չհայտնելու համար դատավոր Զարուհի Նախշքարյանի նկատմամբ ԲԴԽ-ի խիստ նկատողություն հայտարարելու հանգամանքին։
Փաշինյանից հետո Հայաստանում իշխանության եկողը կամիկաձե է, քանի որ նրանք ստիպված են լինելու դիմակայել նախորդ իշխանության ստեղծած ու թողած ամենալուրջ մարտահրավերներին։ Այս մասին դեկտեմբերի 1-ին լրագրողների հետ հանդիպման ժամանակ հայտարարեց Հայաստանի դեմոկրատական կուսակցության նախագահ Արամ Սարգսյանը։
Իշխանությունը ՀՀ բարձրագույն դատական խորհրդի նախագահ Գագիկ Ջհանգիրյանին փոխարինող է փնտրում։ Տեղեկությունը հայտնում է «Ժողովուրդ» օրաթերթը` հղում անելով կառավարության իր աղբյուրներին։
Դատավոր Զարուհի Նախշքարյանին ԲԴԽ կողմից խիստ նկատողություն հայտարարելը փաստաբան Լիպարիտ Սիմոնյանի տպավորությամբ քաղաքական երանգ է պարունակում։
Բարձրագույն դատական խորհրդի գործելաոճն արդեն իր յուրահատուկ անունն ունի՝ ջհանգիրյանական. այլ մեկնաբանություն չունեմ, Aysor.am-ի թղթակցի հետ զրույցում ասաց փաստաբան Տիգրան Աթանեսյանը՝ անդրադառնալով Նիկոլ Փաշինյանի դստեր գործով ինքնաբացարկ չհայտնելու համար ԲԴԽ-ի՝ դատավոր Զարուհի Նախշքարյանի նկատմամբ խիստ նկատողություն հայտարարելու հանգամանքին։
Մեզ համար անսպասելի էր այս որոշումը, որովհետև խիստ նկատողությունն այն կարգապահական միջոցն է, որը կիրառվում է, երբ դատական իշխանությունը լուրջ կերպով հեղինակազրկվում է դատավորի գործողություններով, իսկ մենք, իրականում, ունենք հեղինակազրկում, բայց ոչ Զարուհի Նախշքարյանի կողմից: Այս մասին News.am-ի հետ զրույցում հայտնեց Երևանի ընդհանուր իրավասության առաջին ատյանի դատավոր Զարուհի Նախշքարյանի շահերի ներկայացուցիչ, իրավապաշտպան Ռուբեն Մելիքյանը` անդրադառնալով Արդարադատության նախարարության ներկայացրած միջնորդությունը՝ դատավորին կարգապահական պատասխանատվության ենթարկելու հարցի վերաբերյալ, բավարարվելու և Նախշքարյանին խիստ նկատողություն հայտարարելու ԲԴԽ որոշմանը:
Սոչիում կայացած հանդիպմանը հայտարարությունների ձևով արձանագրվեց, որ սովետական ժամանակաշրջանում եղել է ընդհանուր պետություն, իսկ սահմաններ չեն եղել։ Այս մասին ֆեյսբուքյան իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը:
