Արցախի աշխարհազորայինների դուրս բերումը դանդաղել է

Լեռնային Ղարաբաղում Բաքվի հսկողության տակ անցնող շրջաններից աշխարհազորայինների ստորաբաժանումների դուրս բերումը դանդաղել է, սակայն շարունակվում է՝ չնայած եղանակային վատ պայմաններին, ՌԻԱ Նովոստի-ին հայտնել է խաղաղապահ ուժերի շտաբից աղբյուրը:

«Չնայած բարդ իրադրության՝ Աղդամի, Քարվաճառի և Լաչինի շրջաններից աշխարհազորայինների ստորաբաժանումների դուրս բերումը շարունակվում է: Իհարկե, այժմ դա դանդաղել է եղանակային վատ պայմանների և ճանապարհների առանձին հատվածների ականազերծման կապակցությամբ: Դա, մասնավորապես, վերաբերում է լեռնային տեղանքին»,-հայտարարել է գործակալության զրուցակիցը, տեղեկացնում է News.am-ը: