Յուրի Կոտյոնոկ. Նախիջևանում թուրքական մեծ հարվածային խմբավորում է տեղակայվել

«Այսօր Նախիջևանում թուրքական մեծ հարվածային խմբավորում է տեղակայվել, որի նպատակն է ներխուժել Հայաստանի տարածք, միջանցք բացել դեպի Ադրբեջան` Հայաստանի Սյունիքի մարզի օկուպացմամբ (դա բարակ խոցելի ծորան է), և ճնշել Գյումրիում 102-րդ ռուսական բազայի զորամասերի և ստորաբաժանումների պատասխան գործողությունները` մարտական գործողություններում Ռուսաստանի միջամտության դեպքում: Այս սցենարները գրված են Թուրքիայի Գլխավոր շտաբում դեռ ԽՍՀՄ ժամանակներից: Ի դեպ, այդ նույն պլանները, անհրաժեշտության դեպքում, ՆԱՏՕ-ի անդամ երկրների կողմից օգնություն են նախատեսում թուրքական խմբավորմանը»,- նշեց նա:

Կոտյոնոկը մեջբերեց նաև Բորիս Ռոժինին (Colonel Cassad) հետևյալը. «Պարզվում է Նախիջևանում ԽՍՀՄ տարիներին` որպես կայսերական ժառանգություն, 249 քրիստոնեական եկեղեցի կար: Ընդ որում, որոշները` գործող: Իսկ Ադրբեջանի օրոք դրանք 0 դարձան»:

Թուրքիայի հետ բաց սահմանը, լիարժեք թրքացումը, ցուցադրական օկուպացիան զորքերի, զրահատեխնիկայի ներմուծմամբ և այլն, հայ բնակչության մնացորդների դուրս բերումը քրիստոնեության հետապնդման հանգեցրին, ինչը հստակ արտահայտած է Ալիևի և Էրդողանի ժամանակներում: «Նեոօսմանիզմից և պանթուրքիզմից այլ բան չի կարելի ակնկալել, այնպես որ Ղարաբաղով այս պատմությունը չի ավարտվի»,- կարծում է Կոտյոնոկը, տեղեկացնում է News.am-ը: