Մարգարիտա ՍԻՄՈՆՅԱՆԸ ՊԱՏՄԵԼ Է ՀԱՅ ԼԵԳԵՆԴԱՐ ՀԵՏԱԽՈՒՅԶՆԵՐԻ ՄԱՍԻՆ

RT-ի եւ «Ռուսաստանն այսօր» միջազգային լրատվական գործակալության գլխավոր խմբագիր Մարգարիտա Սիմոնյանը հարգել է լեգենդար հետախույզ Գոհար Վարդանյանի հիշատակը, որն 93 տարեկանում մահացել է մեկ տարի առաջ։

««Թեհրան 43» ֆիլմը, որը հիմնովին դիտում էին խորհրդային տղաներն ու աղջիկներն ու նրանց ծնողները, նկարահանվել է հենց նրա (Գոհարի) եւ նրա ամուսնու՝ Գեւորգ Վարդանյանի մասին։ Երբ Գեւորգ Անդրեեւիչին Խորհրդային Միության հերոսի կոչում տվեցին, նա ասաց, որ պարգեւը երկուսի համար է։ Ես ծանոթ էի այս լեգենդար ընտանիքին։ Նույնիսկ եղել եմ նրանց տանը։ Հզոր մարդիկ, պարզապես հզոր։ Հենց Գեւորգն ու Գոհարն են կանխել գերմանացիների մահափորձը Ստալինի, Չերչիլի եւ Ռուզվելտի դեմ Թեհրանում 1943թ.-ին։ Նա 19 տարեկան էր, Գոհարը՝ 17»,- գրել է Սիմոնյանը։

Վարդանյանները միասին հետախուզությունում աշխատել են 43 տարի։ Հետախույզ զույգը էքստրեմալ պայմաններում աշխատել է աշխարհի բազմաթիվ երկրներում Անիտա եւ Անրի օպերատիվ կեղծանուններով։ 1986թ.-ին Վարդանյանները վերադարձել են տուն, սակայն «գաղտնիության կնիքը» հանվել է միայն 2000թ.-ին։

Style.news.am