Նոր սահման, նոր խրամատներ. զինծառայողները նոր դիրքեր են կառուցում (ՏԵՍԱՆՅՈՒԹ)

ՀՀ ՊՆ-ն Օմարի բարձունքում նկարահանված տեսանյութ է հրապարակել, որի հերոսները՝ ժամկետային զինծառայողները, ովքեր այսօր նոր դիրքեր են կառուցում, շուրջ 45 օր անառիկ են պահել Օմարի սահմանը:

Հայկական զինուժը նոր սահմանային բնագծերում ինժեներական աշխատանքներ է իրականացնում: Ինչպես հայտնում է ՀՀ ՊՆ-ն, կառուցվում են նոր դիրքեր, փորվում նոր խրամատներ:

Տեսանյութը, որ հրապարակել է պաշտպանական գերատեսչությունը, նկարահանվել է Օմարի բարձունքում. ժամկետային զինծառայողները շուրջ 45 օր անառիկ են պահել այն:

Նրանք «Զինուժ» մեդիայի լրագրողներին պատմել են պատերազմի ընթացքում իրենց տեսածն ու զգացածը: Պատմել են, թե ինչպես են հետ մղել թշնամու մի քանի հարձակումները, որոնցից հետո հակառակորդն այս ուղղությամբ այլևս չի համարձակվել գրոհել, տեղեկացնում է Sputnik Armenia-ն: