Զինվորի մայր. Հունվարին զորացրվող զինվորներին ժամկետից շուտ զորացրեք. բոլորն էլ առողջական խնդիրներ ունեն

Հունվարին զորացրվող զինվորներին ժամկետից շուտ զորացրել, կառավարության մոտ լրագրողների հետ զրույցում հարց բարձրացրեց ժամկետային զինծառայողի մայր Հասմիկ Գրիգորյանը:

Նա նկատեց, որ տղաները բարոյահոգեբանական ու ֆիզիկական վատ վիճակում են՝ զինակից ընկերներ են կորցրել, հյուծված են, շարունակում են քնել հատակին:

«Հիմա արդեն խաղաղություն է հաստատվել, և պատերազմի մասնակցած զինվորներին, ովքեր պետք է զորացրվեն հունվարին, խնդրում եմ շուտ զորացրել: Թողեք՝ տուն գան, բոլորն էլ առողջական խնդիրներ ունեն: Մայրական խնամքի ուղարկեք», - ասաց զինվորի մայրը, տեղեկացնում է Aysor.am-ը: