Թուրքիան և Ռուսաստանը ԼՂ հարցով համատեղ կենտրոն ստեղծելու մասին համաձայնագիր են ստորագրել

Թուրքիան և Ռուսաստանը ԼՂ-ում հրադադարի պահպանման մոնիթորինգի համատեղ կենտրոն ստեղծելու մասին համաձայնագիր են ստորագրել, հաղորդում է ՏԱՍՍ-ը՝ հղում անելով Թուրքիայի ազգային պաշտպանության նախարարությանը:

«Ավարտին են հասցվել տեխնիկական մանրամասների մասին բանակցությունները, որոնք վերաբերում են ռուս-թուրքական համատեղ կենտրոնի աշխատանքի սկզբունքներին և դրույթներին, և համաձայնագիր է ստորագրվել: Տարվում են անհրաժեշտ աշխատանքները կենտրոնի շուտափույթ գործառության համար»,-ասվում է հաղորդագրության մեջ:

Ընդ որում, թուրքական կողմը ստորագրված համաձայնության այլ մանրամասներ չի հայտնում, տեղեկացնում է News.am-ը: