Տիգրան ԱԲՐԱՀԱՄՅԱՆ. ԷԼ Ի՞ՆՉ ՊԵՏՔ Է ՄԵՐ ՀԵՏ ՊԱՏԱՀԻ, ՈՐ ԽԵԼՔՆԵՐՍ ԳԼՈՒԽՆԵՐՍ ԳԱ

Չկասկածեք, որ այն մարդիկ, ովքեր տարբեր հարթակներում իրենց թույլ են տալիս անհարգալից վերաբերմունք մեր արցախցի հայրենակիցների նկատմամբ, ինչ որ պահի նույնն անելու են սյունիքցիների, լոռեցիների, գյումրեցիների կամ երևանցիների նկատմամբ։ Ֆեյսբուքյան էջում գրել է «Հենակետ» վերլուծական կենտրոնի ղեկավար, ռազմական փորձագետ Տիգրան Աբրահամյանը.

«Կարևոր չէ, թե պատերազմ կլինի, թե մեկ այլ ողբերգություն, ցավալին այն է, որ մենք միմյանց նկատմամբ շարունակում ենք թշնամությամբ շնչել, իրար ձեռք մեկնելու փոխարենը հակառակն ենք անում։

Ես սրա մասին չէի խոսի, եթե այդ մաղձը հասանելի չլիներ մեր այն հայրենակիցներին, ովքեր այսօր ծանր, ողբերգական օրեր են ապրում։

Էլ ի՞նչ պետք է մեր հետ պատահի, որ խելքներս գլուխներս գա»,-գրել է փորձագետը:

Փաստինֆո