Ոստիկանները բերման ենթարկեցին Գեղամ Մանուկյանին՝ «Նիկոլ դավաճան» կարգախոսով ակցիա իրականացնելիս (ՏԵՍԱՆՅՈՒԹ)

ՀՅԴ անդամ Գեղամ Մանուկյանին «Նիկոլ դավաճան», «Նիկոլ, հեռացիր» կարգախոսներով անհնազանդության ակցիա իրականացնելիս ոստիկանները բերման ենթարկեցին, տեղեկացնում է News.am-ը։

Ոստիկանները շարունակում են բերման ենթարկել Երևանում և մարզերում փողոցներ փակած բազմաթիվ քաղաքացիների։

Նշենք, որ այսօր՝ ժամը 12-ին, լրացավ ընդդիմության ու քաղաքացիների՝ Փաշինյանին հրաժարական տալու համար տրված ժամանակը։

Իշխան Սաղաթելյանը հայտարարեց, որ լինելու են անհնազանդության ակցիաներ Հանրապետության ամբողջ տարածքում։

Այսօր Մեծի Տանն Կիլիկո Արամ Ա կաթողիկոսը և Գարեգին Բ Ամենայն հայոց կաթողիկոսը նույնպես կոչ են արել ՀՀ վարչապետ Նիկոլ Փաշինյանին՝ վայր դնել վարչապետի լիազորությունները։