Ցուցարարները փակել են նաև Շիրակի մարզպետարանի մուտքերը

«Նիկոլ դավաճան», «Նիկոլ, հեռացիր» կարգախոսներով անհնազանդության ակցիաներ են կազմակերպվում ոչ միայն մայրաքաղաքում, այլ նաև Հանրապետության մարզերում։

Նիկոլ Փաշինյանի հրաժարականի պահանջով անհնազանդության ակցիաներ են իրականացվում Գեղարքունիքի, Արարատի, Շիրակի, Լոռիի մի շարք համայնքներում։

Ցուցարարները փակել են նաև Շիրակի մարզպետարանի մուտքերը։

Ոստիկանները շարունակում են բերման ենթարկել Երևանում և մարզերում փողոցներ փակած բազմաթիվ քաղաքացիների։

Նշենք, որ այսօր՝ ժամը 12-ին, լրացավ ընդդիմության ու քաղաքացիների՝ Փաշինյանին հրաժարական տալու համար տրված ժամանակը։

Իշխան Սաղաթելյանը հայտարարեց, որ լինելու են անհնազանդության ակցիաներ Հանրապետության ամբողջ տարածքում, տեղեկացնում է News.am-ը։