Ռուս խաղաղապահների ինժեներական ստորաբաժանումները ականազերծել են 238 հա տեղանք

Ռուսաստանի ՊՆ ականազերծման գործողությունների միջազգային կենտրոնի մասնագետները շարունակում են աշխատանքը Լեռնային Ղարաբաղի տարածքի մաքրման ուղղությամբ:

Գործողության ընթացքում Լեռնային Ղարաբաղում ստորաբաժանումները մաքրել են մոտ 238 հա տեղանք, 93 կիլոմետր ճանապարհ և 423 բնակելի շենքեր: Հայտնաբերվել և վնասազերծվել է ավելի քան 8,3 հազար պայթյունավտանգ առարկա:

Լեռնային Ղարաբաղի պայթուցիկ օբյեկտներից տարածքն ականազերծելու և մաքրելու ընթացքում ռուս խաղաղապահներն օգտագործում են ժամանակակից ռոբոտացված համակարգեր, որոնք թույլ են տալիս պահպանել ականազերծման բարձր տեմպը լեռնային տեղանքներում՝ եղանակային անբարենպաստ պայմաններում:

Հայտնաբերված պայթյունավտանգ առարկաները և չպայթած զինամթերքը հանվում և ոչնչացվում են հատուկ սարքավորված աղբավայրերում: Զինամթերքը, որը հնարավոր չէ տարհանել, ոչնչացվում է տեղում`անհրաժեշտ բոլոր անվտանգության միջոցներով, տեղեկացնում է Aysor.am-ը: