ՀՅԴ-ական երիտասարդները ձնագնդիներով հարվածեցին Փաշինյանի ավտոշարասյանը (ՏԵՍԱՆՅՈՒԹ)

Քիչ առաջ կառավարության շենքից դուրս եկավ վարչապետ Նիկոլ Փաշինյանի ավտոշարասյունը, որի ուղղությամբ ՀՅԴ «Նիկոլ Աղբալյան» ուսանողական միության մի խումբ անդամներ ձնագնդիներ նետեցին և սկսեցին բարձրախոսով վանկարկել՝ «Նիկո՛լ, դավաճան», «Նիկո՛լ, հեռացիր»։

Ոստիկանները փորձում էին խոչնդոտել խոչընդոտել ակցիայի մասնակիցներին, նաև նրանց տեղաշարժը՝ թույլ չտալով քայլել կառավարության շենքի կողքով։

Ակտիվիստների և ոստիկանների միջև լեզվակռիվ սկսվեց: Ոստիկանը պահանջում էր ՀՅԴ-ական երիտասարդից իջեցնել ձայնը, ինչին վերջինս պատասխանեց, թե արդեն մեկ ժամ բացատրում է, որ այստեղով քայլելն իր սահմանադրական իրավունքն է:

Տեսանյութում երևում է, որ երիտասարդը բղավում է. «Ինձ թուրքը չի կարողացել սատկացնել, դու շատ փոքր ես, որ կարողանաս սատկացնել: Բայց դու հիմա թուրքին ես ծառայում»: Ոստիկաններից մեկը հերքեց, թե որևէ մեկը նման բան է ասել, տեղեկացնում է News.am-ը: