Պարգև սրբազանը ռուս խաղաղապահների հրամանատարության հետ այցելել է Ամարասի վանք

Սրբազան հայրն այցելել է նաև Ճարտար քաղաքի Սուրբ Վարդան եկեղեցի և ապա Մարտունի քաղաքի Սուրբ Ներսես մեծ եկեղեցի։

Հայ առաքելական եկեղեցու Արցախի թեմի առաջնորդ Գերաշնորհ Տ. Պարգև արքեպիսկոպոս Մարտիրոսյանն այսօր այցելել է Մարտունու շրջան: Տեղեկությունը հրապարակվել է սրբազանի ֆեյբուքյան էջում։

«Սրբազան հայրը ռուս խաղաղապահների հրամանատարության հետ է այցելել Ամարասի վանք և այնտեղ քննարկել վանքի անվտանգության հարցը»,– նշված է հաղորդագրության մեջ:

Այնուհետև սրբազան հայրն այցելել է Ճարտար քաղաքի Սուրբ Վարդան եկեղեցի և ապա Մարտունի քաղաքի Սուրբ Ներսես մեծ եկեղեցի։

Պարգև սրբազանը հանդիպել է Մարտունի շրջվարչակազմի ղեկավար Արարատ Մելքումյանի հետ:

Sputnik Արմենիա