Ամենայն հայոց կաթողիկոսը հոգեհանգստյան կարգ մատուցեց Եռաբլուրում

Վեհափառ հայրապետը Տիրոջ Սուրբ Ծննդյան ավետիսը փոխանցեց նահատակված զինծառայողներին ու աղոթեց նրանց հոգիների հանգստության համար։

Այսօր վաղ առավոտյան Ն.Ս.Օ.Տ.Տ. Գարեգին Բ ամենայն հայոց կաթողիկոսն այցելել է Եռաբլուր։ Վեհափառ հայրապետը հոգեհանգստյան կարգ է մատուցել զինվորական պանթեոնում։ Ապա հոգևորականները, կաթողիկոսի գլխավորությամբ ծաղիկներ են խոնարհել հայրենիքի պաշտպանության համար ընկած հայորդիների գերեզմաններին։

Ամենայն հայոց կաթողիկոսը սուրբծննդյան այցելություններ է կատարել

Վեհափառը Տիրոջ Սուրբ Ծննդյան ավետիսը փոխանցել է Եռաբլուրում ննջող հերոսներին և աղոթել նրանց հոգիների հանգստության համար։

Նշենք, որ հունվարի 7-ը Հայ Առաքելական եկեղեցում Հանգուցյալների հիշատակության օր է` Մեռելոց։ Այն ոչ աշխատանքային օր է։

Sputnik Արմենիա