Հացի գյուղի բնակիչը գերեվարվել էր ադրբեջանցի կողմից, մի քանի ժամ անց վերադարձվել է (ՏԵՍԱՆՅՈՒԹ)

Հունվարի 14-ին Հացի գյուղի բնակիչ Արա Գասպարյանը մի քանի ժամով գերեվարվել էր ադրբեջանցի զինվորականների կողմից: Արցախի Հանրային հեռուստաընկերության հետ զրույցում Գասպարյանը պատմում է՝ գերեվարվել է արոտավայրում անասուն արածեցնելիս:

Արա Գասպարյանը պատմում է, որ սահմանները գծված չեն եղել, և ադրբեջանական զինվորականի կողմից գերեվարվելու հետո վերջինս նրան առաջարկել է շրջել տարածքում և ապացուցել, որ Գասպարյանը խախտել է սահմանը:

«Տարան Վազգենաշենի դպրոցի շենք, 1 ժամ պահեցին, հետո աչքերս կապեցին ու մոտ մի ժամ մեքենայով գնացինք մի կաբինետ, որտեղ աչքերս բացեցին»,-ասում է Գասպարյանը:

Արա Գասպարյանը մի քանի ժամ հարցաքննվելուց հետո հանձնվել է ռուս խաղաղապահներին, տեղեկացնում է News.am-ը: