Թրամփը չի ներել ոչ Ասանժին, ոչ Սնոուդենին, ոչ էլ ինքն իրեն

ԱՄՆ նախագահ Դոնալդ Թրամփը չի ներել WikiLeaks-ի հիմնադիր Ջուլիան Ասանժին և Ազգային անվտանգության գործակալության ու Կենտրոնական հետախուզական վարչության նախկին աշխատակից Էդվարդ Սնոուդենին, հետևում է նախագահի կողմից ներվածների ցուցակից, որը տարածել է Սպիտակ տունը, փոխանցում է «ՌԻԱ Նովոստի»-ն:

Ցուցակի մեջ չեն մտել նաև ո՛չ ինքը՝ Թրամփը, ո՛չ նրա ընտանիքի անդամները, ո՛չ փաստաբան Ռուդի Ջուլիանին:

Թրամփը ներել է ընդհանուր 73 մարդու, իսկ ևս 70-ի պատիժը մեղմել է, տեղեկացնում է News.am-ը: