Հռոմի Պապը հորդորել է ավելի շատ երկրների միանալ ՄԱԿ-ի միջուկային զենքի արգելքի մասին պայմանագրին
Հռոմի պապ Ֆրանցիսկոսը կոչ է արել ավելի շատ երկրների միանալ ՄԱԿ-ի միջուկային զենքի մասին պայմանագրի արգելքին: Նա նշել է, որ այսօր խաղաղությունն ապահովելու համար անհրաժեշտ է միջուկային զենքի արգելում, հայտնում է Reuters-ը:
Միջուկային զենքի արգելման մասին պայմանագիրն ուժի մեջ է մտնում ուրբաթ օրը և ստորագրվել է 86 պետությունների կողմից, համաձայն «Միջուկային զենքը մերժելու միջազգային արշավի», որը նվաճել է 2017 թվականի Խաղաղության Նոբելյան մրցանակը:
«Ես կոչ եմ անում բոլոր պետություններին և ժողովրդին վճռականորեն աշխատել՝ ստեղծելու համար անհրաժեշտ պայմաններ առանց միջուկային զենքի աշխարհի համար՝ դրանով իսկ նպաստելով խաղաղության և բազմակողմանի համագործակցության խթանմանը, ինչի կարիքն այսօր ունի մարդկությունը»,- ասել է Պապը:
ԱՄՆ-ը, Բրիտանիան, Ֆրանսիան և այլ միջուկային տերություններ չեն ստորագրել պայմանագիրը և բոյկոտել են դրան հանգեցրած բանակցությունները:
2019 թվականին Նագասակի կատարած այցի ժամանակ Հռոմի պապն ասել էր, որ միջուկային զենք ունենալը, նույնիսկ զսպման նպատակով, այլասերվածություն էր և արդարացված չէր, տեղեկացնում է News.am-ը:
