Փորձագետ. Գրանցված ամենահին հայկական խաչքարը գտնվում է Արցախում
Գրանցված ամենահին հայկական խաչքարը, որը թվագրված 866 թվականով, գտնվում է Արցախի տարածքում ՝ Վաղուհաս գյուղում: Այս մասին փետրվարի 5-ին լրագրողների հետ հանդիպմանն ասաց Հայկական ճարտարապետությունն ուսումնասիրող հիմնադրամի փոխտնօրեն Րաֆֆի Քորթոշյանը:
Ըստ նրա` սա այն աշխատանքի ամենակարևոր արդյունքներից մեկն էր, որը, չնայած դժվարություններին տարվա ընթացքում, շարունակվել է տարբեր ուղղություններով, այդ թվում` Հայաստանից դուրս դաշտային հետազոտությունների, արխիվային նյութերի ուսումնասիրության, գրքի և դրա հրատարակմանը նախապատրաստության տեսքով:
«Վերջին պատերազմի ընթացքում ես 4 օր անցկացրեցի Բերձորում` վերջին անգամ հայկական մշակույթի հետքերը ֆիքսելու համար: Ընդհանրապես նախատեսվում էր համապարփակ աշխատանքներ իրականացնել Քաշաթաղի և Քարվաճառի ուղղություններում, սակայն պատերազմը խանգարեց դրան»,- հավելեց նա:
Րաֆֆի Քորթոշյանը նշեց, որ այսօր կան նաև նյութական խնդիրներ, որոնք կարող են ֆինանսական ծախսերի կրճատման հանգեցնել, սակայն այդ դժվարությունները հաղթահարելի են:
Փորձագետը շեշտեց, որ ուսումնասիրություններն իրականացվել են նաև արտերկրում, այդ թվում ՝ Ստամբուլում և Թեհրանում, ուր երկու գիտարշավ է կամզակերպվել, ինչի արդյունքում հայկական հուշարձանների լուսանկարների և ճարտարապետական գծագրերի հավաքածուն համալրվել է ևս 30 հազարով (17-րդ դարի ժառանգություն)` ընդհանուր թիվը հասցնելով 630 հազարի:
«Բացի այդ, գիրք է հրատարակվել` Սիրիայում 17-րդ դարի հայկական մշակութային ժառանգության մասին»,- եզրափակեց նա, տեղեկացնում է News.am-ը: