Խամենեի. Իրանը կվերադառնա ՀՀԳԾ-ում իր պարտավորություններին, եթե չեղարկվեն ԱՄՆ-ի բոլոր Պատժամիջոցները

Իրանի հոգևոր առաջնորդ այաթոլա Ալի Սայեդ Խամենեին հայտարարել է, որ Իրանն ամբողջովին կվերադառնա իր պարտավորությունների կատարմանը Համատեղ համապարփակ գործողությունների ծրագրի շրջանակում միայն այն դեպքում, երբ ԱՄՆ-ը չեղարկի Թեհրանի նկատմամբ բոլոր պատժամիջոնցերը գործնական և վերահսկվող կերպով, հաղորդում է Tasnim-ը:

Դիմելով Իրանի ռազմաօդային ուժերի հրամանատարությանը՝ այաթոլա Խամենեին պարզ հասկացրել է ԱՄՆ-ին ու 2015 թվականի միջուկային գործարքի երեք եվրոպական կողմերին, որ ՀՀԳԾ-ում իր պարտավորություններին վերադարձը կախված է ամերիկյան պատժամիջոցների լիարժեք չեղարկումից:

Իրանի հոգևոր առաջնորդն ընդգծել է, որ ավելի ուշ Իրանը կստուգի՝ արդյոք պատժամիջոցները ճիշտ են հանված, որից հետո կվերադաձնա ՀՀԳԾ-ում իր պարտավորություններին:

Նա նաև հայտարարել է, որ ԱՄՆ-ն ու միջուկային գործարքի երեք եվրոպական կողմերն իրավունք չունեն Իրանին պայմաններ առաջադրել:

Այաթոլա Խամենեիի խոսքով՝ կողմը, որն իրավունք ունի պայմաններ առաջադրել, Իրանն է՝ հավելելով, որ երկիրը կատարել է միջուկային գործարքի շրջանակում իր բոլոր պարտավորությունները, տեղեկացնում է News.am-ը: