Ավելի քան 50 սենատորներ Բայդենին կոչ են արել ճնշում գործադրել Էրդողանի վրա
ԱՄՆ ավելի քան 50 սենատորներ նամակ են ստորագրել նախագահ Ջո Բայդենին ուղղված կոչով՝ ճնշում գործադրել Թուրքիանի կառավարության վրա, որ այն բարելավի մարդու իրավունքների վիճակը, ընդգծելով նրա աճող ավտորիտարիզմը:
Երկկուսակցական նախաձեռնության շրջանակում, որը ղեկավարում են Դեմոկրատական կուսակցության սենատոր Ռոն Վիդենը և Ֆլորիդայից Հանրապետական կուսակցության սենատոր Մարկո Ռուբիոն, նշվում է, որ Թուրքիայի նախագահ Ռեջեփ Թայիփ Էրդողանի արտաքին քաղաքականությունը «դարձել է ավելի ագրեսիվ և ռազմատենչ»: «Նա վերջին տարիներին լկտիաբար հարձակվել է ԱՄՆ կողմից աջակցվող քրդերի վրա, որոնք Սիրիայում պայքարում են ԻԼԻՊ-ի դեմ, գնել է ՀՕՊ ռուսական համակարգեր, չնայած նախազգուշացումներին, որ այն անհամատեղելի է ԱՄՆ տեխնոլոգիաների հետ, և խրախուսել է Ադրբեջանին բռնություն օգտագործել Հայաստանի հետ տարածքային վեճը կարգավորելու համար»,- նշված է նամակում:
Սենատորները Բայդենին անհրաժեշտության կոչ են արել՝ «նախագահ Էրդողանի և նրա վարչակազմի համար ընդգծելու, որ պետք է անհապաղ դադարեցնեն երկրի ներսում և արտասահմանում այլախոհության ճնշումը, ազատեն քաղաքական բանտարկյալներին և խղճի կալանավորներին և փոխեն ավտորիտար կուրսը»:
Նամակում նաև նշված է, որ Էրդողանի կառավարությունը 2016 թվականի պետական հեղաշրջման չհաջողված փորձից հետո փորձում է հասնել արտասահմանից թուրք քաղաքացիների արտահանձնմանը, իսկ որոշ դեպքերում քննադատների վրա ճնշում գործադրելու համար օգտագործում է Ինտերպոլի ծանուցումները, տեղեկացնում է News.am-ը:
