Անժելա Էլիբեգովան սուտ մատնություն կատարելու փաստի հիմքով կդիմի ԱԱԾ
Իշխանական կեղծ օգտատերերը հանցագործության հատկանիշներ պարունակող նյութեր են տարածում ադրբեջանագետ Անժելա Էլիբեգովայի և Ազգային ժողովի աշխատակազմի նախկին ղեկավար Արա Սաղաթելյանի հասցեին։ Այս մասին ֆեյսբուքյան իր էջում գրել է Անժելա Էլիբեգովանը։
«Սկզբում որոշեցի լուրջ չվերաբերվել այս հիմարությանը, բայց արդեն չափերն անցնում են:
Փաշինյանական «Հեղափոխության պահապաններ» խմբակից ոմն Վահե Խանդիլյան և իշխանական ֆեյքերը զրպարտություն ու քրեական օրենսգրքով նախատեսված հանցագործության հատկանիշներ պարունակող նյութեր են տարածում ինչպես իմ, այնպես էլ Արա Սաղաթելյանի հասցեին: Եվ սա անհետևանք չի մնալու։
Առաջիկա օրերին ֆեյսբուքյան այս գրառումների կապակցությամբ սուտ մատնություն կատարելու փաստի հիմքով (ՀՀ քրեական օրենսգրքի 333-րդ հոդված) հանցագործության մասին հաղորդում կներկայացնեմ ՀՀ ազգային անվտանգության ծառայություն։
Ընկերներ ջան, շնորհակալ կլինեմ գրառումը տարածելու համար»,- գրել է նա, տեղեկացնում է News.am-ը։
