2021-03-01 16:29
Լրատվական գործակալություններ
0
Ինչո՞ւ Արմեն Սարգսյանն ու Օնիկ Գասպարյանը չեն մասնակցել Անվտանգության խորհրդի նիստին
ՀՀ նախագահ Արմեն Սարգսյանը հրավեր ստացել է մասնակցելու այսօր տեղի ունեցած Անվտանգության խորհրդի նիստին։ Sputnik Արմենիային հայտնեցին ՀՀ նախագահի մամուլի ծառայությունից։
Ինչպես արդեն տեղեկացրել ենք, այսօր վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ:
«Նախագահը հրավեր ստացել է, սակայն չի մասնակցել Անվտանգության խորհրդի նիստին։ Արմեն Սարգսյանը վատառողջ է»,–հայտնեցին նախագահականից։
Ինչ վերաբերում է ՀՀ ԶՈւ գլխավոր շտաբի պետ Օնիկ Գասպարյանի` այսօրվա Անվտանգության խորհրդի նիստին չմասնակցելուն, Sputnik Արմենիայի տեղեկություններով`արձանագրությանը համապատասխան նրան հրավեր ուղարկվել է։
Սակայն հաշվի առնելով ներկա իրավիճակը ՝ Գասպարյանը որոշել է չմասնակցել նիստին։