ԱՐԴՇԻՆԲԱՆԿԸ ՎԵՐԱԲԱՑԵԼ Է ԵՐԿՈՒ ՎԵՐԱՆՈՐՈԳՎԱԾ ՄԱՍՆԱՃՅՈՒՂ ՍԻՍԻԱՆՈՒՄ ԵՎ ԵՂԵԳՆԱՁՈՐՈՒՄ
Մարտի 17-ին Սիսիան և Եղեգնաձոր քաղաքներում տեղի ունեցավ Արդշինբանկի վերանորոգված մասնաճյուղերի հանդիսավոր բացումը: «Սիսիան» և «Եղեգնաձոր» մասնաճյուղերը հաճախորդներին կսպասակեն ընդարձակ, հարմարավետ և նորագույն տեխնիկայով հագեցած սրահներում, հաճախորդները հնարավորություն կունենան օգտվել շուրջօրյա ինքնասպասարկման գոտիից: Բացմանը ներկա էին Բանկի ղեկավար անձինք, պատվավոր հյուրեր:
Սիսիանի քաղաքապետ Արթուր Սարգսյանը շնորհավորեց ներկաներին իրադարձության կապակցությամբ և շնորհակալություն հայտնեց Արդշինբանկին կատարած աշխատանքի համար` ի շահ մարզի բնակիչների. «Արդշինբանկի կողմից ստեղծված նոր և հարմարավետ պայմանները կնպաստեն մեր քաղաքացիներին ավելի բարձր որակով սպասարկվելուն, ովքեր օգտվում են Բանկի ծառայությունների ամբողջ սպեկտրից` բիզնես վարկերից մինչև ֆիզիկական անձանց վարկավորում, փոխանցումներից մինչև ավանդային ծառայություններ»:
Նույն օրը՝ Եղեգնաձորում վերաբացվեց Արդշինբանկի մեկ այլ արդիականացված մասնաճյուղ:
Վայոց Ձորի մարզպետ Արարատ Գրիգորյանը նշեց Արդշինբանկի կողմից իրականացվող տարածաշրջանային զարգացման քաղաքականության կարևորության մասին: «Շատ կարևոր է, որ Արդշինբանկը մշտապես ուշադրության կենտրոնում է պահում մարզային մասնաճյուղերը և նպաստում դրանց հավասարաչափ զարգացմանը: Նման վերազինումը և ժամանակակից լուծումները նոր շունչ են հաղորդում մարզային կյանքին՝ ծառայությունների մատուցման որակը մոտեցնելով մեծ քաղաքներում առաջարկվող մակարդակին»:
Արդշինբանկի Գործառնական տնօրեն Հարություն Իսպիրյանը նշեց, որ չնայած համավարակի դժվար պայմաններին, Արդշինբանկը շարունակում է հետևել մասնաճյուղային ցանցի զարգացման և արդիականացման քաղաքականությանը՝ իր ծառայություններն ավելի մատչելի դարձնելով հեռավոր շրջաններում բնակվողների համար:
«Ընդհանուր առմամբ, վերակառուցումներ տեղի են ունեցել բանկի 51 մասնաճյուղերում: Շարունակվում են ներդրումները մասնաճյուղային և ԱԳՄ սարքավորումներում, ինչպես նաև հեռահար բանկային ծառայությունների զարգացման նպաստող մի շարք նախագծերում, որոնք հնարավություն են ընձեռելու բարձրացնել հաճախորդների սպասարկման որակը: Այս քաղաքականությունը, առաջին հերթին, թելադրված է հաճախորդների շահերով: Մեր նպատակն է ապահովել բարձր չափանիշներին համապատասխանող բանկային ծառայությունների մատուցում մեր հաճախորդներին՝ առավելագույնս մատչելի պայմաններով»:
Արդիականացված մասնաճյուղերը կգործեն ք. Սիսիան, Սիսական 21 հասցեում (երկուշաբթի - ուրբաթ 09:15-16:45), ք. Եղեգնաձորում ՝ փ. Մոմիկա 3 հասցեում (երկուշաբթի - ուրբաթ 09: 15-16:45, շաբաթ 10:15- 13:45):
Արդշինբանկի մասնաճյուղային ցանցը ամենամեծ ցանցերից մեկն է Հայաստանում: Այսօր բանկն ունի 62 գործող մասնաճյուղ Երևանում և Հայաստանի մարզերում:
