Վազգեն Մանուկյան․ Փաշինյանի օրոք անցկացված ընտրությունները կատաստրոֆա են

«Հայրենիքի փրկության շարժումը» այդ առիթով դեռ քննարկում չի ունեցել: Այս մասին News.am-ի հետ զրույցում նշեց «Հայրենիքի փրկության շարժման» վարչապետի թեկնածու Վազգեն Մանուկյանը՝ անդրադառնալով նրան, որ վարչպետ Նիկոլ Փաշինյանն այսօր հայտարարել է, որ հունիսի 20-ին տեղի են ունենալու արտահերթ ընտրություններ:

«Ես դեռ օրեր առաջ ասել եմ, որ Նիկոլ Փաշինյանի օրոք անցկացված ընտրությունները կատաստրոֆա են Հայաստանի համար: Եթե հանկարծ անկացնի ընտրություններ, որովհետև իր հայտարարելը դեռ չի նշանակում, որ կանցկացնի, եթե նման բան լինի, ես ոչ մի դեպքում չեմ մասնակցի: Բայց պետք է ամեն ինչ անել, որ այդպիսի ընտրություններ տեղի չունենան: Մինչև Նիկոլ Փաշինյանն այդտեղից դուրս չգա և մինչև ոչ իր թիմից մի հատ նորմալ մարդ չլինի, ընտրությունների չի կրելի գնալ: Ու ես գտնում եմ, որ ինչ-որ ժամանակ պետք է անցնի անպայման, որովհետև այս պայմաններում ընտրություններ անցկացնել չի կարելի»,-ասաց նա:

Վազգեն Մանուկյանը հավելեց, որ եթե Նիկոլ Փաշինյանը հրաժարական տա, բայց իշխանությունը մնա իրենց թիմի ձեռքում, ոչ մի դեպքում ընտրություններ կազմակերպել չի կարելի. «Իսկ եթե ինքն է, պա առավել ևս չի կարելի»: