Դուշամբեն պաշտոնապես հայտարարվել է ԱՊՀ մշակութային մայրաքաղաք

2021 թվականին Դուշամբեն՝ որպես ԱՊՀ մշակութային մայրաքաղաք հայտարարելու պաշտոնական արարողությունը տեղի է ունեցել կիրակի Տաջիկստանի մայրաքաղաքի օպերայի և բալետի թատրոնում, հաղորդում է ՌԻԱ Նովոստի-ն:

Ծրագրի սկզբում մանրամասն տեղեկատվությամբ ելույթ են ունեցել ԱՊՀ գործադիր կոմիտեի փոխնախագահ Բեքեթջան Ժումանգուլովն ու ԱՊ անդամ պետությունների Միջպետական հումանիտար համագործակցության հիմնադրամի գործադիր տնօրեն Անատոլի Իքսանովը: Նրանք պատմել են «Համագործակցության մշակութային մայրաքաղաք» միջպետական ծրագրի պատմության մասին և Դուշամբեի քաղաքապետ Ռուստամ Էմոմալիին շնորհել հավաստագիր Դուշամբեն որպես «Համագործակցության մշակութային մայրաքաղաք-2021» հայտարարելու մասին:

Դուշամբեն մշակութային մայրաքաղաք հայտարարելու առիթով ցուցադրվել է կարճամետրաժ ֆիլմ Տաջիկստանի ձեռքբերումների մասին, ինչպես նաև կայացել է տոնական համերգ: Արարողությանը մասնակցել են Տաջիկստանի նախագահի աշխատակազմի ներկայացուցիչներ, ԱՊՀ անդամ երկրներից, քույր քաղաքներից, դիվանագիտական կորպուսից, միջազգային և տարածաշրջանային կազմակերպություններից ներկայացուցիչներ, նախարարությունների և վարչությունների ղեկավարներ: Տարվա ընթացքում քաղաքում կյանքի կկոչվի հատուկ միջոցառումների ծրագիրը, որը բաղկացած է մշակութային, ժամանցային և զանգվածային համալիր միջոցառումներից, պատմական հուշարձանները վերանորոգելու գործընթացից, տեղեկացնում է News.am-ը: