Ոստիկաններն ուժով բերման ենթարկեցին Արամ Հարությունյանին (ՏԵՍԱՆՅՈՒԹ)

Այսօր առավոտյան ոստիկանության աշխատակիցներն այցելել են «Ազգային համաձայնություն» կուսակցության գրասենյակ և բերման են ենթարկել նրան:

Ոստիկանության աշխատակիցը սկզբում Արամ Հարությունյանին ասաց, որ կա համապատասխան որոշում, իրենք պետտք է մտնեն տարածք, սակայն Արամ Հարությունյանը թույլ չտվեց. «Դուք պաշտպանում եք թիմ մեկ դավաճանին: Դուք իր հրամանն եք կատարում: Ձեր աշխատավարձը երեկ բարձրացրել են, դուք ոգևորված եկել եք այստեղ: Եթե ես 50 քանի հազար դրամ վարձ չեմ տվել... դուք հիմա չեք մտնելու տարածք: Նիկոլ Փաշինյանն ավելի շուտ է գնալու, քան ես այս տարածքից, տեղեկացնում է News.am-ը:

Թիվ մեկ դավաճանը ընտրություններից առաջ ուզում է մեզ գրասենյակից հանի»:

Արամ Հարությունյանը պատռեց ոստիկանի ձեռքի թուղթը, որով նա փորձում էր ծանուցել իրենց այցի նպատակի մասին»

Ոստիկանն էլ ասաց. «Դուք հենց հիմա հանցագործություն կատարեցիք և մենք ձեզ բերման կենթարկենք: Ես կուլտուրայից ելնելով լսում եմ, բայց դա ոչ մի կապ չունի մեր գործողությունների հետ: Դուք խոչընդոտում ենք մեր գործողությունների կատարմանը: Ես ձեզ ծանոթացրեցի մեր այցի նպատակին»:

Դրանից հետո ոստիկանության աշխտակիցը զանգահարեց, եկան այլ ոստիկանության աշխտակիցներ և ուժով բերման ենթարկեցին Արամ Հարությունյանին, քանի որ նա չէր ցանկանում ոստիկանների հետ գնալ»

Նա հայտարարեց. «Մենք 2001 թվականից այստեղ վարձակալությամբ ենք: ժամկետը լրացավ, մենք դիմեցինք, որ երկարացնեն ժամկետը, չեն երկարացրել: Հիմա քաղաքապետարանից պահանջում են ազատել տարածքը: Ընդ որում առանց մեզ ասելու տվել են դատարան: Դատարանը մեզ վտարելու որոշում է կայացրել, որին մենք ներկա չենք եղել և բնականաբար, չենք կատարելու դատարանի որոշումը: Քանի որ տարածքն անմխիթար վիճակում է, տանիքը կաթում է, ես ասել եմ՝ մինչև չսարքեք, ես վարձ չեմ տա: 2001-ից այստեղ ենք, 2009-ից չենք վճարել վարձը: Մենք առաջարկել ենք նոր պյմանագիր կնքել, սակայն ոչինչ չեն արել»: