Պետք չէ քաղաքական ենթատեքստ փնտրել ոստիկանության աշխատավարձերի բարձրացման մեջ

Պետք չէ չկա քաղաքական ենթատեքստ փնտրել արտահերթ խորհրդարանական ընտրությունների մեկնարկից առաջ իրավապահ մարմինների աշխատակիցների աշխատավարձերի բարձրացման մեջ : Այս մասին մարտի 26-ին Հայաստանի Ազգային ժողովում ավանդական ճեպազրույցների ժամանակ ասաց իշխող «Իմ քայլը» դաշինքի պատգամավոր Արտակ Մանուկյանը: Ըստ Մանուկյանի՝ անհրաժեշտ է բարձրացնել տարբեր ոլորտների ներկայացուցիչների, այդ թվում՝ ոստիկանների աշխատավարձը:

Ընդ որում, նա չկարողացավ հստակ բացատրել, թե ինչու են այս փուլում առաջնահերթությունը տալիս իրավապահներին՝ կոչ անելով պատասխան փնտրել կառավարության տնտեսական զարգացման երկարաժամկետ ծրագրում: Միաժամանակ նա շտապեց քննադատել ընդդիմության դիրքորոշումը: «Հիմա ընդդիմությունն ասում է, որ ոստիկանությունը մեր միակ հենարանն է: Մինչդեռ նախկինում նրանք ասում էին, թե իբր ֆեյքերն են մեր միակ հենարանը: Կգնանք ընտրություններին և կտեսնենք, թե ժողովուրդը ում է վստահում»,- ասաց քաղաքական գործիչը: Պատգամավորը հավելեց, որ իշխանությունները քննարկում են ընդհանուր պետական ոլորտում աշխատավարձերի բարձրացման հարցը: «Բնականաբար, դա կարվի միջոցների առկայության դեպքում, իսկ առաջնահերթությունը կտրվի անվտանգության ոլորտի աշխատակիցներին»,- ասաց խորհրդարանականը, տեղեկացնում է News.am-ը: