ԱԳՆ ղեկավար. Հայաստանը մտադիր է զարգացնել համագործակցության եռակողմ ձևաչափը

Հայաստանը մտադիր է զարգացնել համագործակցության եռակողմ ձևաչափը Հունաստանի և Կիպրոսի հետ: Այս մասին այսօր՝ մարտի 29-ին, ԱԺ արտաքին հարաբերությունների մշտական հանձնաժողովի նիստում 2020 թվականին կատարված աշխատանքի հաշվետվության քննարկման ժամանակ ասաց ՀՀ արտգործնախարար Արա Այվազյանը:

«Իմ քայլի» պատգամավոր Շիրակ Թորոսյանը հետաքրքրվեց, թե արդյոք Հայաստանը մտադիր է ակտիվացնել այդ եռակողմ ձևաչափը որպես հակակշիռ թուրքական ագրեսիվ քաղաքականությանը:

Այվազյանի խոսքով՝ այդ ձևաչափը մնում է Հայաստանի օրակարգում, սակայն Երևանի թշնամիներ չի փնտրում տարածաշրջանում, քանի որ լավ գիտի խաղաղության գինը:

«Հայաստանը պետք է պրագմատիկ մոտեցում մշակի իր արտաքին քաղաքականությունը կառուցելու հարցում՝ հաշվի առնելով տարածաշրջանում անվտանգության սպառնալիքները: Մենք անում ենք ամեն ինչ, որպեսզի Հայաստանի սահմանների մոտ անվտանգ և կայուն միջավայր ձևավորվի»,-ընդգծեց արտգործնախարարը:

Նա նշեց, որ վերջին մի քանի ամսում՝ չնայած սահմանափակումներին, մի շարք արտասահմանյան ուղևորություններ է կատարել: Նրա խոսքով՝ դիվանագետները ակտիվ օնլայն շփումներ են պահպանում նշված խնդրի լուծման շրջանակում, տեղեկացնում է News.am-ը: