Կառավարությունը և ԿԳՄՍ-ն բոյկոտում են ԵՊՀ հոգաբարձուների խորհրդի նիստը

Կառավարությունը և ԿԳՄՍ-ն բոյկոտում են ԵՊՀ հոգաբարձուների խորհրդի նիստը։ Այս մասին այսօր՝ ապրիլի 1-ին, Facebook-ի իր էջում գրել է ԵՊՀ խոսնակ Գևորգ Էմին-Տերյանը:

News.am-ի հետ զրույցում Էմին-Տերյանն ասաց, որ նիստին Կառավարությունից և ԿԳՄՍՆ-ից ոչ ոք չի մասնակցում։

Նշենք, որ այսօր՝ ժամը 11։00-ին, ԵՊՀ գիտական խորհրդի նիստերի դահլիճում նախատեսված էր Հոգաբարձուների խորհրդի նիստը՝ օրակարգային 7 հարցով։

«1. 2019-2020 ուստարում «Երևանի պետական համալսարան» հիմնադրամի գոր-ծունեության հիմնական ուղղություններով կատարված աշխատանքների վե-րաբերյալ հաշվետվության ներկայացում և 2016-2020 թթ. «Երևանի պետա­կան համալսարան» հիմնադրամի զարգացման ռազմավարական ծրագրով 2019-2020 ուստարում նախատեսված աշխատանքների կատարողականի հաստատում:

2. «Երևանի պետական համալսարան» հիմնադրամի կանոնադրության մեջ փո­փոխությունների և լրացումների կատարման հաստատում:

3. «Երևանի պետական համալսարան» հիմնադրամի կառավարիչ-ռեկտորի ընտրության՝ հայտարարված մրցութային գործընթացի վերաբերյալ որոշման կայացում:

4. «Երևանի պետական համալսարան» հիմնադրամի կառավարիչ-ռեկտորի թա­փուր պաշտոնի համար մրցութային գործընթացի կազմակերպում:

5. «Երևանի պետական համալսարան» հիմնադրամի Իջևանի մասնաճյուղի տնօրենի ընտրության՝ հայտարարված մրցութային գործընթացի վերաբերյալ որոշման կայացում:

6. «Երևանի պետական համալսարան» հիմնադրամի Իջևանի մասնաճյուղի տնօրենի թափուր պաշտոնի համար մրցութային գործընթացի կազմակերպում:

7. Ընթացիկ հարցեր»։