Պեսկով․ Վրաստանում վտանգավոր է Ռուսաստանի քաղաքացիների համար

Ռուսաստանցիները պետք է հստակ հասկանան, որ Վրաստան ուղևորություններն իրենց համար անվտանգ չեն: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը միջադեպից հետո, որը մեկ օր առաջ տեղի էր ունեցել Թբիլիսիում հեռուստալրագրող Վլադիմիր Պոզների հետ, փոխանցում է ՏԱՍՍ-ը, տեղեկացնում է News.am-ը:

«Վրաստանում վտանգավոր է Ռուսաստանի քաղաքացիների համար,- շեշտել է Կրեմլի ներկայացուցիչը: - Այնտեղ գնալը վտանգավոր է: Ռուսաստանցիները սա պետք է հստակ հասկանան»:

Պեսկովը նաև ընդգծել է, որ Կրեմլը խստորեն դատապարտում է Վրաստանի մայրաքաղաքում ծայրահեղական տրամադրված ազգայնականների ագրեսիվ գործողությունները ռուս քաղաքացիների նկատմամբ:

Ընդ որում՝ պաշտոնական Կրեմլը ողջունում է Վրաստանի վարչապետ Իրակլի Ղարիբաշվիլիի հայտարարությունը, որը դատապարտել էր ազգայնականների գործողությունները. «Մենք տեսել ենք Վրաստանի վարչապետի այսօրվա հայտարարությունը, որը նույնպես դատապարտել է այդ գործողությունները, և մենք ողջունում ենք այդ հայտարարությունը»: