ՀՀ նախագահն ընդունել է Ռուսաստանի հայերի միության նախագահին

Հայաստանի Հանրապետության նախագահ Արմեն Սարգսյանն այսօր ընդունել է Ռուսաստանի հայերի միության նախագահ Արա Աբրահամյանին: Տեղեկությունը հայտնում է ՀՀ նախագահի մամուլի ծառայությունը։

Ռուսաստանի հայերի միության նախագահը Սարգսյանին տեղեկացրել է իրենց կազմակերպության կողմից իրականացվող աշխատանքների և ծրագրերի մասին:

Հանդիպմանն անդրադարձ է եղել Հայաստան-սփյուռք հարաբերություններին:

Երկուստեք ընդգծվել է սփյուռքի կարևոր դերը երկրի հետագա զարգացման գործում, տեղեկացնում է Sputnik Armenia-ն: