ՀԱՊԿ-ը բարձրացնելու է կոլեկտիվ անվտանգության համակարգի պատրաստականության աստիճանը
Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը կարծում է, որ պետք է բարձրացնել կազմակերպության կառավարման մարմինների պատրաստականության աստիճանը՝ հաշվի առնելով ռազմաքաղաքական իրավիճակը։ Այդ մասին նա հայտարարել է Դուշանբեում անցկացված ՀԱՊԿ երկրների պաշտպանության նախարարների խորհրդի նիստից հետո։
Զասի խոսքով՝ այսօր ռազմաքաղաքական իրավիճակն աշխարհում բավական բարդ ու անկայուն է։
«Մենք առնվազն պետք է բաարձրացնենք կոլեկտիվ անվտանգության համակարգի ուժերի ու միջոցների կառավարման մարմինների պատրաստականության մակարդակը՝ նախատեսված խնդիրների լուծման համար»,-ասել է Զասը։
Այդ պատճառով փոխվում են Կոլեկտիվ ուժերի արագ արձագանքման հրամանատարության ձևավորման մոտեցումները։ Նպատակը՝ պատրաստականության ու շարժունակության մեծացումն է։
Նիստին մասնակցել են Հայաստանի ԶՈւ ներկայացուցիչը, Ռուսաստանի, Բելառուսի, Ղազախստանի, Ղրղզստանի ու Տաջիկստանի պաշտպանության նախարարները, տեղեկացնում է Sputnik Armenia-ն։
