Ալիևը հայտարարել է Հայաստանի հետ սահմանին ենթակառուցվածքի ստեղծման մասին

Ադրբեջանի նախագահ Իլհամ Ալիևը հայտարարել է Հայաստանի հետ սահմանին ենթակառուցվածքի ստեղծման մասին, այժմ դրա երկարությունը կազմում է 500 կմ:

Նրա խոսքով՝ այժմ սահմանապահները հսկում են հայ-ադրբեջանական սահմանը «ազատագրված տարածքներում» (խոսքն Ադրբեջանի կողմից Լեռնային Ղարաբաղի օկուպացված տարածքների մասին է-խմբ.):

«Այս սահմանը ևս վերականգնվել է, և սահմանի երկայնքով տարվում են բոլոր անհրաժեշտ ենթակառուցվածքային աշխատանքները, մոբիլիզացվել է ողջ տեխնիկան: Սահմանի երկարությունը մոտ 500 կմ է»,-հայտարարել է Ալիևը սահմանապահների հետ հանդիպման ժամանակ, տեղեկացնում է News.am-ը: