Կրակոցներ ու դանակահարություն Թոխմախի գերեզմանատանը

Այսօր՝ մայիսի 1-ին, «ռազբորկա» է տեղի ունեցել Երևանում` Թոխմախի գերեզմանատանը, կան վիրավորներ։ Տեղեկությունը հայտնում է shamshyan.com–ը։

Նշվում է, որ ժամը 00։20-ի սահմաններում Էրեբունի բժշկական կենտրոնից ոստիկանության Էրեբունու բաժին ահազանգ է ստացվել, որ իրենց մոտ են տեղափոխվել 3 քաղաքացի` հրազենային վնասվածքներով, 1 հոգի էլ դանակահարված։

Ըստ տեղեկությունների` վիրավորներին հիվանդանոց տեղափոխողների մեջ են եղել Շենգավիթի և Մալաթիայի թաղապետները։

Ոստիկաները պարզել են դեպքի վայրը (Թոխմախի գերեզմանատուն), որտեղ հայտնաբերել են ավտոմատ, ատրճանակ, կրակված պարկուճներ, արնանման հետքեր, տեղեկացնում է Sputnik Armenia-ն։