Վրաստանում սահմանափակվում է քաղաքային տրանսպորտի երթևեկությունը

Այսօրվանից մինչև մայիսի 12-ը ամբողջ Վրաստանում քաղաքային տրանսպորտը չի երթևեկի: Այս մասին գրում է վրացական Առաջին ալիքը։

Որոշումը կայացրել է միջգերատեսչական համակարգող խորհուրդը՝ կորոնավիրուսի տարածումը կանխելու միջոցառումների շրջանակներում:

Բացի այդ, շարժունակությունը նվազեցնելու համար մայիսի 4-11-ը Վրաստանում արձակուրդ է հայտարարվել:

Միջքաղաքային տրանսպորտի երթևեկությունը չի սահմանափակվում, տեղեկացնում է Panorama.am-ը: