ԲԴԽ-ն ընտրել է Վճռաբեկ դատարանի դատավորների թեկնածուներին

Բարձրագույն դատական խորհուրդը երեկ՝ մայիսի 18-ին, ընտրել է Վճռաբեկ դատարանի դատավորների թեկնածուներին։

News.am-ի հետ զրույցում ԲԴԽ գիտնական-անդամ Գրիգոր Բեքմեզյանն ասաց, որ ընտրվել է երեք թեկնածու՝ Հովսեփ Բեդևյանը, Հրաչ Այվազյանը և Լիանա Հակոբյանը։

Բեքմեզյանը նշեց, որ ընտրված թեկնածուներին դեռ Ազգային ժողով չեն ներկայացրել։

Նշենք, որ ԲԴԽ-ն Վճռաբեկ դատարանի դատավորների թեկնածուներին պետք է ներկայացնի Ազգային ժողով, որտեղ քվեարկությամբ պատգամավորները կընտրեն նրանցից մեկին։