Վահե Հակոբյան․ Սև լճի մոտ 1000-ից ավելի ադրբեջանցի զինվորական կա

Սյունիքի մարզի Սև լճի մոտ 1000-ից ավելի ադրբեջանցի զինվորական կա: Այս մասին Tert.am-ի հետ զրույցում ասաց Սյունիքի նախկին մարզպետ Վահե Հակոբյանը:

Վահե Հակոբյանը նշեց՝ այս օրերին տարածքում ադրբեջանցի զինվորականների թիվը աճել է: «Սև լճի մոտ 1000-ից ավել իրենք են, ձորի հատվածում՝ դեպի իրենց կողմը ավելի շատ են»,-ասաց Վահե Հակոբյանը:

Սյունիքի նախկին մարզպետը նշեց՝ ադրբեջանցի զինվորականները ոչ՛ առաջխաղացում են ունեցել, ոչ՛ նահանջել, նույն դիրքերում են, և հավելեց՝ իշխանությունը կորցնում է ընդհանուր վերահսկողությունը: