Բայրամովը Հայաստանին «կոչ է անում հրաժարվել քաղաքական հիստերիայից» ու անցնել սահմանազատման

Ադրբեջանի արտաքին գործերի նախարար Ջեյհուն Բայրամովը կոչ է արել Հայաստանին խուսափել քաղաքական հիստերիայից՝ սահմանների սահմանազատման հարցերը քննարկելիս և այս գործընթացում կիրառել պրագմատիկ մոտեցում: Այս մասին գրում է Interfax.az-ը։

«Սահմանների սահմանազատումը չպետք է տեղի ունենա քաղաքական հիստերիայի տեսքով, այլ նորմալ պրագմատիկ պայմաններում և, ի վերջո, յուրաքանչյուր երկիր պետք է հարգի միջազգայնորեն ճանաչված սահմանները», - ասել է Բայրամովը։

Բայրամովն ասել է, որ նախկինում Ադրբեջանն ու Հայաստանը չեն սահմանազատել պետական սահմանը, ասելով, թե կան լուծումներ, որոնք ճանաչված են ամբողջ աշխարհում:

«Եթե հայկական կողմն ունի ինչ-որ առարկություններ և պահեր, որոնք առաջացնում են հարցեր կամ նույնիսկ կարծիքների տարբերություն, ապա կան լուծման մեխանիզմներ, որոնք ճանաչված են միջազգային մակարդակով: Մեխանիզմը բաղկացած է այն փաստից, որ պետությունները, անհրաժեշտության դեպքում, ստեղծում են աշխատանքային խումբ, անհրաժեշտության դեպքում հանձնաժողով՝ մասնագետներ ներգրավելով», - ասել է Բայրամովը, տեղեկացնում է Panorama.am-ը: