Փաշինյանը՝ վայոցձորցի կնոջը․ Դուք չեք որոշելու՝ թուրքը որտեղ ա գալու նստի

Արենիում այսօր՝ հունիսի 16–ին, քարոզարշավի ժամանակ, վարչապետի պաշտոնակատար Նիկոլ Փաշինյանն անդրադարձավ նաև սահմանային իրավիճակին։ Նա կրկնեց, թե սահմանային կետերի երկայնքով պետք է տեղակայվեն ռուս սահմանապահներ և հետո միջազգային դիտորդների ներքո պետք է տեղի ունենա դեմիլիտացիայի և դեմարկացիա՝ Սոթք–Խոզնավար հատվածում, տեղեկացնում է News.am-ը։

Արենիից մի կին հետաքրքրվեց Փաշինյանից, թե այդ սահմանազատման ժամանակ Արենիում ի՞նչ է կատարվելու։

«Որտե՞ղ է, թե ձեր բակում է։ Մի րոպե, մի րոպե, դուք չեք որոշում, թե թուրքը գալու է որտեղ նստի, հանգիստ մի հատ։ Ինչ վերաբերում է նրան, որ նայում է, ապա 30 տարի թուրքը նայում է Ոսկեպար, Այգեհովիտ, Մովսես, Այգեպար, Ներքին Կարմիրաղբյուր, Կիրանց, Բերքաբեր, Վազաշեն, Բերդավան, Ճամբարակ համայնքներին, Ճամբարակը դիտարկվո՞ւմ է, պետք չի խուճապ տարածել։ Էդ որ ասում եք՝ թուրքը գալու է ձեր բակում նստի, ղալաթ է անելու, թե գալու է ձեր բակում նստի, ոչ մի տեղ էլ չի գալու, էդ կարգի լուրեր մի տարածեք»։