Լևոն ՔՈՉԱՐՅԱՆ․ ՄԵՐ ՊԱՅՔԱՐԸ ՀԱՆՈՒՆ ԱՐԺԱՆԱՊԱՏԻՎ ՀԱՅԱՍՏԱՆԻ ԱՎԵԼԻ ՈՒԺԳԻՆ Է ԴԱՌՆԱԼՈՒ

ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանի որդին՝ Լևոն Քոչարյանը, ով նաև դաշինքի ընտրական ցուցակում է, թելեգրամյան ալիքում գրել է․

«Սիրելի հայրենակիցներ, համախոհ ընկերներ:

Ուզում եմ շնորհակալություն հայտնել բոլոր նրանց, ովքեր իրենց ձայնը վստահել են «Հայաստան» դաշինքին: Մենք ձեր ձայնին տեր ենք լինելու: Չնայած ահռելի խախտումներին, մենք ստացանք գրեթե 300000 քվե, ինչը հուսադրող է և չափազանց պարտավորեցնող:

Շնորհակալ եմ մեր մեծ թիմի բոլոր անդամներին, ովքեր անտեսելով տարատեսակ ճնշումները, միացան մեզ և պայքարում են հանուն ուժեղ Հայաստանի: Վստահեցնում եմ, որ մենք միասին կարևոր գործեր ունենք առջևում:

Հուսահատվել չկա՛, ընկճվել չկա՛... վստահ եղեք, մեր պայքարը հանուն արժանապատիվ Հայաստանի ավելի ուժգին է դառնալու»։

Panorama.am