ԱՊՀ երկրների ինստիտուտը նշում է իր 25-ամյակը
ԱՊՀ երկրների ինստիտուտը նշում է իր 25-ամյակը: Այն Ռուսաստանում միակ գիտական կազմակերպությունն է, որն ուսումնասիրում է սոցիալ-քաղաքական և տնտեսական գործընթացները հետխորհրդային ողջ տարածքում, հաղորդել է ՕՏՌ-ն:
Ինստիտուտը զբաղվում է արտերկրում ռուսաց լեզվի և մշակույթի մասսայականացմամբ: Ավելին, դրա աշխատակիցներն աջակցում են ռուսներին, որոնք հայտնվում են զինված հակամարտության գոտիներում:
Ինստիտուտում գործում է նաև իրավական կենտրոն: Այն անվճար իրավաբանական օգնություն է տրամադրում արտերկրի իրենց հայրենակիցներին և նրանց, ովքեր հայրենիք վերադառնալիս խնդիրների առաջ են կանգնում:
«Ինստիտուտը ունի մեկ այլ անուն ևս` Սփյուռքի և ինտեգրման ինստիտուտ: Մենք պարզապես չենք գրանցում այն, ինչ տեղի է ունենում, այլ փորձում ենք Ռուսաստանին և նրա իշխանություններին, հասարակական կարծիքին, քաղաքացիական հասարակությանը և լրագրողական համայնքին առաջարկել մեր տեսլականը, թե ինչպիսին են այժմ Ռուսաստանի նոր ազգային շահերը», - հայտարարել է ԱՊՀ երկրների ինստիտուտի տնօրեն Կոնստանտին Զատուլինը:
ԱՊՀ երկրների ինստիտուտը հիմնադրվել է Մոսկվայի պետական համալսարանի, ՄԳԻՄՕ-ի և Ռուսաստանի գիտությունների ակադեմիայի կողմից: Մայրաքաղաքից բացի, ներկայացուցչություններ և գործընկեր կազմակերպություններ կան Սևաստոպոլում, Երևանում, Տիրասպոլում, Մինսկում և Բելգրադում, տեղեկացնում է News.am-ը: