Արամ Ա կաթողիկոսը հանդիպել է Հռոմի պապին
Մեծի Տանն Կիլիկիո կաթողիկոս Արամ Առաջինն Վատիկանում հանդիպել է Հռոմի պապին։ Տեղեկությունը հայտնում է կաթողիկոսության մամուլի ծառայությունը։
«Վատիկանի պապական ժողովասրահում մեկնարկել է քրիստոնյա հայրապետների ժողովը, որից առաջ աղոթք է հնչել Սուրբ Պետրոս մայր տաճարում»,– նշված է հաղորդագրության մեջ։
Ժողովի առաջին նիստում Արամ Ա կաթողիկոսը «Հասարակական-քաղաքական ներկա ճգնաժամը Լիբանանում և այն դիմագրավելու միջոցները» թեմայով դասախոսություն է կարդացել։ Նրա ելույթից հետո շուրջ երկու ժամ լայն քննարկում է տեղի ունեցել։
Ներկաները դրական են գնահատել Արամ Ա–ի` երկիրը քաղաքական ու տնտեսական ճգնաժամից դուրս բերելու վերաբերյալ վերլուծությունները։
Կեսօրին Հռոմի պապ Ֆրանցիսկոս Առաջինը հյուրընկալել է հոգևոր հայրերին ու նրանց պատվիրակության անդամներին, տեղեկացնում է News.am-ը։