Վարդևանյան. 2018-ին հայ ժողովուրդը Փաշինյանին չի ընտրել
2018-ին հայ ժողովուրդը ընտրում էր ոչ թե վարչապետին, այլ կուսակցությանը: Այս մասին ասաց «Հայաստան» դաշինքի ներկայացուցիչ Արամ Վարդևանյանը՝ պատասխանելով դատավոր Վահե Գրիգորյանի հարցին, թե ինչու է դաշինքը կարծում, որ հրաժարականից հետո Փաշինյանը պետք է լքեր իր պաշտոնը և իրավունք չուներ պաշտոնակատար մնալ:
«Հայ ժողովուրդը կուսակցություններից ընտրեց իր նախընտրած կուսակցությունը: Իսկ կուսակցությունում կային բազմաթիվ անձինք՝ պատգամավորի թեկնածուներ: Ողովուրդն ընտրում է Ազգային ժողով: Սա ժողովրդավարության առանձնահատկությունն է: Վարչապետի հարաբերությունները տեղին կլինեին ուղիղ ընտրությունների դեպքում: Այս պարագայում ժողովուրդն ընտրում էր «Իմ քայլը» խմբակցությունը: Ժողովրդի առջև պատասխան է կրում Ազգային ժողովում ընտրված կառույցը: Ժողովրդավարության էությունն օրենքի գերակայության սկզբունքն է»,- հիշեցրեց Վարդևանյանը:
Ըստ նրա՝ նույնիսկ եթե ուղիղ ընտրությունների մոդել ենթադրենք, վարչապետի հրաժարականի դեպքում նրան փոխարինում է փոխվարչապետը: «Ձեր վարկածով մի նժարին ժողովրդի կամքն է, մյուս նժարին՝ օրենքի գերակայության սկզբունքը: Սակայն այդ հասկացությունները հակադրել հնարավոր չէ»,- շեշտեց փաստաբանը՝ նշելով, որ մարդը, ունենալով գործիքներ բարդ իրավիճակից խուսափելու համար, Սահմանադրությունը յուրովի է մեկնաբանել:
Վարդևանյանը բերեց նաև Դավիթ Հարությունյանի կողմից ավելի վաղ բերված օտարերկրյա քաղաքացիության օրինակը: «Կամ պատկերացրեք, որ վստահություն ստացած անձը դատարանի կողմից մեղավոր է ճանաչվել ծանր հանցագործության մեջ, օրինակ՝ պետական դավաճանության մեջ, արդյո՞ք նա պետք է շարունակի մնալ իր պաշտոնին: Արդյո՞ք դա պայմանավորված է իրավական պետության շահերից: Իհարկե՝ ոչ»,- ասաց Վարդևանյանը՝ հավելելով, որ Սահմանադրությունը պահանջներ է դնում վարչապետի թեկնածության նկատմամբ, բայց Գրիգորյանի թվարկածները դրանց մեջ չեն:
«Նիկոլ Փաշինյանը չի ընտրվել ժողովրդի կողմից: Նա նշանակվել է կուսակցության մեծամասնության առաջարկով: Եվ մեծամասնությունը կարող էր առաջարկել ցանկացած այլ թեկնածու»,- եզրափակեց Արամ Վարդևանյանը:
Մեկնաբանելով հետևողականության հարցը, որը, ըստ Գրիգորյանի, չի կարող ընդհատման ենթակա չէ, Վարդևանյանը հիշեցրեց, որ Փաշինյանն ինքն է հրաժարականի դիմում ներկայացրել այս տարվա ապրիլի 25-ին: Ինչ վերաբերում է նրան, թե «ի՞նչ կլինի, եթե երկիրը մնա առանց առաջնորդի», Վարդևանյանը հիշեցրեց, որ երկրի արտգործնախարարությունը երկար ժամանակ է, ինչ առանց ղեկավար է, և կարծես ոչ մի առանձնահատուկ բան չկա, տեղեկացնում է News.am-ը: