ՍԴ-ն միջնորդությունների հարցով որոշումներ է ընդունել
ՍԴ-ն միջնորդությունների հարցով որոշումներ է ընդունել: Ընդմիջումից հետո վերադառնալով՝ դատարանը՝ ի դեմս նախագահ Արման Դիլանյանի, հայտնեց, որ «Զարթոնք» կուսակցության ներկայացուցիչ Արա Զոհրաբյանի միջնորդությունները ԱԱԾ դիմումի (քաղաքացիների կողմից սահմանի հատում), հանրային ծառայողների թվի և հոսանքազրկման մասով մերժվել են:
Պաշտպանության նախարարություն դիմումի մասով հետաձգվել է քննարկումը: Նախագահին որպես վկա հրավիրելու մասին միջնորդությունը դատարանը չքննարկեց, քանի որ ավելի վաղ արդեն մերժվել է: «Պատիվ ունեմ» դաշինքի ներկայացուցիչ Դավիթ Հարությունյանի՝ Մխիթար Զաքարյանի հետ կապված միջադեպի մասով ոստիկանություն հարցման մասին միջնորդությունը մերժվեց: «Հայաստան» դաշինքի ներկայացուցիչ Արամ Վարդևանյանի միջնոդրությունները դատարանը մասնակի մերժեց՝ 1 և 4, իսկ 2 և 3՝ հետաձգվեցին: Ապա դատարանը փակ ռեժիմով սկսեց քննարկել փակ նիստի անցկացման մասին որոշումը, տեղեկացնում է News.am-ը:
