Հայաստանում ջերմաստիճանը կնվազի 6–8 աստիճանով, սպասվում է անձրև և ամպրոպ

«Հիդրոօդերևութաբանության և մոնիթորինգի կենտրոն» ՊՈԱԿ -ի տնօրենի տեղակալ Գագիկ Սուրենյանը Facebook–յան իր էջում զգուշացրել է ջերմաստիճանի կտրուկ նվազման մեջ։

«ՇՄՆ Հիդրոօդերևութաբանության և մոնիթորինգի կենտրոնը տեղեկացնում է։ Հուլիսի 28-ին հանրապետությունում սպասվում է անձրև և ամպրոպ, ջերմաստիճանի նվազում 6...8 աստիճանով», – նշել է նա։

Հայպետհիդրոմետի հաղորդմամբ, հուլիսի 27-ին, 29-ին, 31-ին առանձին շրջաններում, 28-ին, օգոստոսի 1-ի շրջանների զգալի մասում հիմնականում կեսօրից հետո և գիշերը սպասվում է անձրև և ամպրոպ, առանձին հատվածներում հնարավոր է նաև կարկուտ։ Հուլիսի 30-ին սպասվում է առանց տեղումների եղանակ:

Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում 18-23 մ/վ արագությամբ։

Օդի ջերմաստիճանը 28-ի ցերեկը կնվազի 6-8 աստիճանով, այնուհետև աստիճանաբար կբարձրանա 2-4 աստիճանով։

Մայրաքաղաք Երևանում հուլիսի 27-ին, 29-ին, 31-ին, օգոստոսի 1-ին՝ երեկոյան ժամերին, 28-ին ժամանակ առ ժամանակ սպասվում է անձրև և ամպրոպ, ամպրոպի ժամանակ հնարավոր է քամու ուժգնացում 18-20 մ/վ արագությամբ: Հուլիսի 30-ին սպասվում է առանց տեղումների եղանակ։ Վաղը ցերեկը Երևանում սպասվում է +28...+31, գիշերը` +20...+22, հուլիսի 29–ին ցերեկային ժամերին կանխատեսվում է +30...+32, գիշերը` +19...+21։

Նովոստի–Արմենիա